الوطن منهوب يصرخ يندب الفزاع

الوطن منهوب يصرخ يندب الفزاع
وفزع واحد لجنه بطرك خاجيته
وهذا الي فزعله اليوم هم نهبو
وباكو حته هدمه وفرهدو صيته
الوطن مجروح لاجن ماحصله ضماد
ونوه واحد يضمده وخربطو نيته
يناطور الوطن مو جنت تنطر بي
شجاك اليوم انت وفرهدت بيته
غدروك الربع باكوك الامريكان
ونفطك لعد اهل الكفر وديته
بكت خيرات شعبك رحت تبني قصور
وشعبك ميت من الجوع خليته
عفت كبت امامك رحت زرت بلير
وعلي الهادي التفجر ابد ماجيته
مو انت العراق الخيرك مغطيك
اشو جفك لعند الغرب مديته
مو هذا الوطن وكت الشدد باراك
اشو وكت النفاه اليوم ذبيته
الوطن غالي الوطن لعيونه كلشي يهون
بس كون الوطن مرفوعه ساريته