(ياحبيبي) ...إلى الذي أعشقه في كل ليلة 1371مرة

(ياحبيبي) ...إلى الذي أعشقه في كل ليلة 1371مرة

احبك ....لاني لولاك لم اكن ....

فاسمح لكماتي ...ان تخترق جدارالصمت ...فانا بك ملهم ...

.................................

(ياحبيبي )كلشي بيك ....

جروح تمطر فوك كيعان الزمن سالوفه خضره ....

جفوف ترسم فوك وجنات الليالي عيون حمره ...

(ياحبيبي ) كلشي بيك ...

(ليل من ايجرنفس يزرعله كمره ...)

بعيد صح مرات احسك ....وبيها أحسّنك قريب ...

ياجرح عض اعله اشافه ...حته جرح الناس من يسمع يطيب..

ياشمس ....

نسلت ضواها وامنت عد السمه اسرار المغيب ...

(ياحبيبي ) بكلشي صوتك بيه دلاله تكول بس انت الحبيب...

وانت يامن علمتني ...اشلون من اشتاك اشوفك ...

وانت وحدك ذوبتني ...بصوتك المتروس لهفه ...

وما كلت من امشي اعوفك ...

وانت انت الشيّدت ليامي كعبه ...وعلمتني

اشلون من احتام اطوفك

ابيا حرم كل ليله اطوفك

( انت امس كلشي اعله مودك ....صبت عيونه دمه ...

وانت امس من شلت جفك ...باسته اشفاف السمه ..

انت يل بشفارجرحك ....طيرت راس الضمه

كلشي بيك ....روحي بيك ...الدنيه بيك ...الجنه بيك ...النار بيك ...

وانه وي اول حرف دك باب اشافي ...كمت وي كلشي اشتهيك ....

وجفن عيني المافتح شباجه مره ....بس الك مايه انفرش ...

لانيدري بكبريائك ...شال رايات الكرامه ...وابد ماحطها بنعش ...

وما اكول روحي عطشانه واجيت ...وادري بسمك ماي كوثر حرّم اعليه العطش ...

كلشي بيك ...(ياحبيبي,,,كلشي بيك)

» من هو الرجل الذي لا تنساه المراه؟؟
» الحب لا يعرف الاعمار.. ما هو موقفكم من الشاب الذي يحب امرأة تكبره سنا؟