قصيدة \مانذب اسود\للشاعر سبف بيان

قصيدة \مانذب اسود\للشاعر سبف بيان

[center](( مــا نــذب أســـــــــــود ))

شأسولف يل بدمك شايل أنته أسرار
ســر ألله البعيـــــد بنحـــرك تأكـــد

ذباحك بعد ليهسه يذبح بيــــــــــــــك
على نهر الفرات وشخصك أمـــــدد

ودمك نزف غيره وكسر قيد الخوف
هذاك أنته المطبق كل نهج احمـــــد

ودمك نفس دمك والدموم انـــــــواع
دمك دم محمد حار مـــــــــــا يبرد

نرد تاريخ أهلنه ونحسب الابطـــــال
بصدور الزلم أول شخص تنعـــــد

منو مثلك وحيد يواجــــــــــه الالاف
منك حتى خصمك كــــام يتشـــرد

ما يعرف حسين المنــه خاف المـوت
ملـــج المـــوت منـــك صبــح يتلبد

أنته اول حسين انذبح بالاكـــــــــوان
والخنجر بنحرك ألف مـــــرة أنحد

موتك عن قصد تعكس أراده تريــــد
قربان وصرت للواحد الاحــــــــــد

شلت أنته بديك الطفل للمعبــــــــــود
فرقد من حملته ولامس الفرقـــــــد

موكل منتصر يتمجد بتاريــــــــــــخ
والتاريخ ظل بـــس بيك يتمجـــــــد

جسدت البطوله بوكت صار زمــاط
وصفت كل المراجل بيك تتجســـد

كل الروس تنذل بالذبح مـــــــــولاي
وراسك مرتفع فوك الرمح يصعـــد

الأسود ما نذبه ونظل نبجي عليـــــك
وعليك الروح لبست ثوبهه الأسـود

[/center]

» قصيدة اغار عليك للشاعر المرحوم عبد الحسين الحلفي جميلة جداً
» قصيدة لام في ولدها أبكت الجميع وحركت المشاعر
» قصيدة الشاعر سعد حميد العجلان النمراوي على البومحل .
» قصيدة (( الشُهرة2010 )) إهداء خاص الى عراق السلام :: ضرغام العراقي
» قصيدة الشاعر العربي محمد مهدي الجواهري ..يا دجلة الخير